युरोप, २७ जुलाई / अफगानिस्तान युद्ध सम्बन्धी अमेरिकी सेनाको गोप्य सूचना विकिलिक्स नामक एक वेभसाइटले सार्वजानिक गरेको छ। करिब नब्बे हजार अमेरिकी सैनिकको गोप्य तथ्याङ्क तथा सुचना सो वेभसाइट मार्फत सार्बजनिक भएको हो।

सो दस्तावेजमा आक्रमणका क्रममा मारिएका तर सार्वजानिक नगरिएका अफगानी नागरिकको समेत जानकारी उल्लेख गरिएको छ। अमेरिकी सैनिक इतिहासमा गोप्य सुचना चुहावट भएको यो हाल सम्मको ठूलो भएको बताइएको छ।

ह्वाइट हाउसले यस सूचना चुहावटलाई गैरजिम्मेवारी भन्दै भर्त्सना गरेको छ। बेलायतबाट प्रकाशन हुने दैनिक समाचार पत्रिका दि गार्जीयन, न्यूयोर्क टाइम्स र जर्मनको साप्ताहिक पत्रिका देर स्पाइगलले अफगानिस्तानमा जारी विद्रोही तालिबानको आक्रमणमा पाकिस्तान र इरानले सहयोग गरेको प्रति नेटो सेनाको व्यक्त गरेको चासो समेत उक्त सूचनामा रहेको भन्दै समाचार प्रकासित गरेका छन्।

तर, अमेरिकाका लागि पाकिस्तानी राजदूत हुसैन हक्कानीले चुहावट भएको सो दस्तावेजले वर्तमानको वास्तविकतालाई भने चित्रित गर्न नसक्ने बताउनु भएको छ।

राजदूत हक्कानीले अन्तर्राष्ट्रिय आतंकवादी संगठन अलकायदा र विद्रोही तालिबान विरुद्धको कारबाही अभियानका लागि अमेरिका, अफगानिस्तान र पाकिस्तान रणनीतिक हितैषी भएको पनि बताउनु भएको छ।