इटालीको नेभिलमा टस जिती पहिले ब्याटिङ गरेको अर्जेन्टिनाले निर्धारित ५० ओभरमा आठ विकेटको क्षतिमा १९३ रनको सम्मानजनक योगफल तयार पारेको थियो । नेपालले लक्ष्य ३२.४ ओभरमा दुई विकेटको क्षतिमा १९४ रन बनाई हासिल गर्‍यो । प्रारम्भिक ब्याट्सम्यान अनिलले तेज गतिमा ६० रन बनाएपछि नेपाललाई लक्ष्य पछ्याउन कठिन भएन । उनले पहिलो विकेटका लागि महेशसँग मिलेर १९.१ ओभरमा ९८ रनको साझेदारी निर्वाह गरेको थियो ।

महेश संयमपूर्ण ३६ रनको पाली खेलेर पाब्लो रायनको बलिङमा आउट भए । ६० बलको सामना गरेर चार चौका प्रहार गर्ने महेश \\\'हुक\\\' गर्ने प्रयासमा मिडअनमा पाटरलानीद्वारा क्याच आउट भएका थिए । अनिल पनि तीन बलपछि रायनकै सिकार बने । उनलाई मिडअफमा कप्तान इस्टेबान म्याकडरमटले \\\'डाइभिङ\\\' क्याच गरी पभेलियन फर्काएका हुन् ।अनिलले ५८ बलको आकर्षक पालीमा सात चौका र तीन छक्का प्रहार गरे । त्यसपछि पारसले पहिलोपटक सिनियर टिमका लागि पहिलो प्रतियोगिता खेल्दैगरेका प्रदीपसँग मिलेर अपराजित ९२ रनको साझेदारी गरे । पारस ४० बलमा ५३ रन बनाएर अन्तसम्म आउट भएनन् । उनको पालीमा एक छक्का र नौ चौका सामेल थियो । प्रदीपले छ चौका र दुई छक्का प्रहार गरी ३८ बलमा ३८ रन बनाए । प्रदीपले आफूले सामना गरेको १७औँ बलमा छक्का प्रहार गरी खाता खोलेका थिए ।

यसअघि अलेज्यान्द्रो फर्गुसनले सङ्कटको समयमा तेज गतिमा ८३ रन बनाएपछि अर्जेन्टिनाले नेपाली बलिङलाई निराश पारेको थियो । सातौँ क्रममा क्रिजमा आएका फर्गुसनले ७३ बलमा सात चौका र चार छक्काको मद्दतले ८३ रन बनाए । उनलाई पुछारका ब्याट्सम्यान पाटरलिनी -९ बल, १३ रन)ले उचित साथ दिए । यी दुई ब्याट्सम्यानले ४६ देखि ५० ओभरसम्मको अन्तिम पावर प्लेमा ६१ रन जोडेका थिए । फर्गुसनले \\\'स्लग ओभर\\\'मा नेपालका अमृत भट्टराईलाई प्रमुख रूपमा निशाना बनाए । अमृतले दुई ओभरको अन्तिम स्पेलमा ३१ रन खर्चेका थिए ।

यद्यपि अमृतले नै पाटरलिनीलाई २ रनमा छँदा विकेटकिपर महेशको हातबाट क्याचआउट गराई नेपाललाई पहिलो सफलता दिलाएका थिए । त्यसपछि महबुब आलमले ए डनमोर र पी फर्गुसनलाई र स्पिनर वसन्त रेग्मीले साभेजलाई आउट गरेपछि अर्जेन्टिनाको स्कोर ४७ रनमा चार विकेट भएको थियो तर नेपालले आज अर्जेन्टिनाको पाली निर्धारित समयपूर्व धराशयी प्ाार्न सकेन ।नेपालका लागि महबुब, शक्ति र वसन्तले दुई/दुई विकेट लिए भने पारस र अमृतको भागमा एक/एक विकेट पर्‍यो ।