न्यूयोर्क, २३ अगष्ट  /  अमेरिकास्थित न्यूयोर्क शहरको ग्राउण्ड जिरोमा इस्लामिक सांस्कृतिक केन्द्र बनाउने अमेरिकी सरकारको प्रस्तावको समर्थन र विरोधमा सयौ प्रदर्शनकारीले र्याली निकालेका छन्।

दुवै समुहको प्रदर्शनलाई ध्यानमा राखेर ग्राउण्ड जिरो क्षेत्रमा सुरक्षा ब्यवस्था कडा पारिएको छ। निर्माणको विरोधमा रहेका प्रदर्शनकारीले ग्राउण्ड जिरोमा इस्लामिक सास्कृतिक केन्द्र बनाइए यसले अमेरिकामा जातिवादी खतरा निम्त्याउन सक्ने चेतावनी दिएका छन्।

सुरक्षा अधिकारीहरुले ग्राउण्ड जिरोमा अहिलेसम्म कुनै अप्रिय घटना नभएको र र्याली निकालेका प्रदर्शनकारीहरु कसैलाई पनि गिरफ्तार नगरिएको बताएका छन्।

सन् दुई हजार एकको सेप्टेम्बर एघारका दिन न्यूयोर्कस्थित वर्ल्ड ट्रेड सेन्टरको जुम्लयाहा  भवनमा अल कायदाले आक्रमण गर्दा तीन हजार मानिसको मृत्यु भएको थियो। जुम्ल्याहा भवन रहेको क्षेत्रलाई नै हाल ग्राउण्ड जिरोको नामले चिन्ने गरिन्छ।