मेक्सीको, २५ अगष्ट / उत्तरी मेक्सीकोको ग्रामिण इलाका भएको हिसांत्मक आक्रमणमा मारिएका करिब बहत्तर मानिसको शव प्राप्त भएको छ।

त्यहाँको सेनाका अनुसार, लागू औषध तस्करीमा संलग्न समूहले गरेको हिसांमा मारिनेमध्ये एक मेरिन सैनिक र तीन जना बन्दुकधारी रहेको बताइएको छ।

लागू औषध तस्करको हिसांत्मक आक्रमणमा मारिएका अन्ठाउन्न पुरुष र चौध महिलाको शव तामौलिपसको सान फर्नान्दो स्थानमा फेला पारिएको जानकारी पनि सेनाले दिएको छ।

मेक्सीकोमा गत चार वर्षको अवधीमा लागू औषध तस्करसँग सम्बन्धित हिसांमा परी करिब अठ्ठाइस हजार मानिसले ज्यान गुमाइसकेका छन्।

लागू औषध तस्करका परस्पर विरोधी समूहबीच भएका भिडन्तमा मारिएका मानिसको सामूहिक चिहान पनि मेक्सीकोमा पटक पटक फेला पारिएको छ।