अफ्रिका, २७ अगष्ट  /  दक्षिण अफ्रिकाका सरकारी कर्मचारीहरुले तलव बढाउनुपर्ने माग गर्दै गरेको देशब्यापी प्रदर्शनले हिंसात्मक रुप लिएपछि प्रहरीले प्रदर्शनकारीमाथि रबरको गोलि र पानीको फोहरा वर्षाएको छ।

जोहान्सबर्ग शहरमा प्रहरी र प्रदर्शनकारीविच भिडन्त भएको छ। गत सातादेखि नै सरकारी कर्मचारीहरुले मासिक तलव ८ दशमलव ६ प्रतिशतले बढाइनु पर्ने माग राखेका छन्।

प्रदर्शनमा शिक्षक, चिकित्सक लगायत निजामति कर्मचारीहरुको सहभागिता रहेको छ। सरकारी कर्मचारीहरुको प्रदर्शनका कारण दक्षिण अफ्रिकाका मुख्य शहरहरुको जनजीवन प्रभावित बनेको छ।