पाकिस्तान, २८ अगष्ट / बाढीपहिरोले आक्रान्त पाकिस्तानमा विदेशी उद्धारकर्मी तथा दातृराष्ट्रका प्रतिनिधिलाई तालिवानले आक्रमण गर्ने धम्की दिएका छन्　। पाकिस्तानमा विदेशीको बाक्लो उपस्थिति 'असह्य' हुने भन्दै उनीहरूले सो धम्की दिएका हुन्　।

तर, उक्त धम्कीबाट कति पनि विचलित नहुने संयुक्त राष्ट्रसंघले बताएको छ　। यसअघि तालिवानी सशस्त्र समूहले विदेशी सहायताकर्मीमाथि आक्रमण गरिसकेको छ　।

विदेशी सहायताकर्मीमाथि तालिवानले पुनः आक्रमण गरेमा बाढीपहिरोपीडित ८० लाख नागरिकलाई मानवीय सहयोग र सामग्री उपलब्ध गराउन संघर्षरत कार्यक्रममा ठूलो बाधा पुग्ने अनुमान गरिएको छ　।

पाकिस्तानी तालिवानी प्रवक्ता आजम तारिफले अमेरिकी तथा अन्य बहुराष्ट्रिय सहयोग खास पीडितमाझ पुग्न नसकेको आरोपसमेत लगाएका छन्　।

बाढीपीडितलाई सहयोगभन्दा पनि विदेशीको अन्य कुनै कुत्सित उद्देश्य रहेको आरोपसमेत तालिवानले लगाएका छन्　।

राष्ट्रसंघीय मानवीय सेवा प्रमुख जोन होम्सले यस धम्कीबाट सरकारी सहयोगमा अगि्रम सतर्कता अपनाइने बताए　। तर, बाढीपहिरोपीडितलाई गरिएको सहायता कार्यबाट कुनै पनि हालतमा विचलित नभई निरन्तरता दिइने प्रतिबद्धता उनले व्यक्त गरे　।