चिलि, ३० अगष्ट / तीन सातादेखि चिलिस्थित एक सुन खानीमा फसेका ३३ कामदारले टेलिफोन सम्पर्क गरी पहिलो पटक परिवारलाई आफूहरु सकुशल रहेको जानकारी दिएका छन्।

खानीमा फसेका कामदारहरुका परिवारका सदस्यलाइ टेलिफोनमा कुराकानी गर्न विषेश प्रकारको फोन सुविधा उपलब्ध गराइएको थियो।

फसेका कामदारहरुसँग कुराकानीको लागि उनीहरु प्रत्येकलाइ एक मिनटको समय दिइएको बताइएको छ।

मनोबैज्ञानिकहरुले खानीभित्र फसेका कामदार र उनीहरुको परिवारको सदस्यसँगको टेलिफोन सम्पर्कले दुवैविचको आत्मविश्वास बढाउने र कामदारहरुलाइ जिवितै रहनको लागि मनोबैज्ञानिक हौसला मिल्ने बताएका छन्।