मेक्सीको, ०३ सेप्टेम्बर / उत्तरी मेक्सीकोको मोन्टेरी शहरमा संदिग्ध लागू औषध तस्करी समूह र सुरक्षाकर्मी बीच भएको भिडन्तमा परी कम्तीमा पच्चिस जनाको मृत्यु भएको छ।

उत्तरी मेक्सीकोको सिमा क्षेत्रमा लागू औषध तस्करीका समूहहरुले तालिम लिने गरेको सुचना पाएपछि सैनिकले तिब्र बनाएको कारबाही अभियानका क्रममा सो हताहति भएको जानकारी अधिकारीहरुले दिएका छन्।

 सो स्थानबाट गत हप्ता सेनाले सामूहिकरुपमा हत्या गरी बेवारिसेरुपमा फाँलिएका करिब बहत्तर जना अप्रावासीको शव फेला पारेको थियो। सैनिक कारबाहीका क्रममा मारिएका लडाकू सक्रिय लागू औषध तस्करी समूह नुइभो लिओनसँग आबद्ध भएको आशंका त्यहाँका अधिकारीहरुले गरेका छन्।

मेक्सीकोका अधिकारीहरुले नुइभो लिओन तस्कर माथि अपहरण, हत्या र आक्रमणका घटना सक्रिय रहेको आरोप लगाउदै आएका छन्।

राष्ट्रपति फेलिप काल्डेरोनले राष्ट्रका नाम दिएको सम्बोधनका क्रममा लागू औषध तस्कर विरुद्धको सैनिक कारबाहीलाइ समर्थन गर्न हिसांबाट निराशा बनेका जनतालाइ आग्रह गरेका छन्।