काठमाण्डौ, ०४ सेप्टेम्बर , १९ भाद्र / संसदमा प्रतिनिधित्व गर्ने साना दलहरुले संयुक्त लोकतान्त्रिक मधेसी मोर्चासँग छलफल गर्दैछन ।
मोर्चामा आवद्ध मधेसी जनअधिकार फोरम लोकतान्त्रिक, मधेसी जनअधिकार फोरम, तराई मधेस लोकतान्त्रिक पार्टी र सद्भावना पार्टीका नेताहरुसँग शनिबार छलफल हुने नेकपा मालेका महासचिव सीपी मैनालीले जानकारी दिए ।
प्रधानमन्त्री चुनावमा एकीकृत नेकपा माओवादीका उम्मेदवार पुष्पकमल दाहाल प्रचण्ड र नेपाली काङ्ग्रेसका रामचन्द्र पौडेलले पटक/पटकको चुनावमा पनि आवश्यक मत नल्याएपछि सहमति गरेर अगाडि बढ्नुपर्नेमा उनीहरुले जोड दिंदै आएका छन ।
२० गते हुने प्रधानमन्त्रीको चुनावमा आवश्यक मत नल्याए सानादलहरुले प्रधानमन्त्री निर्वाचनको अन्त्यको माग गर्दै सोमबार राजधानीमा विरोध प्रदर्शन गर्ने तय गरेका छन ।
सरकार निर्माणका लागि दवाव दिने उद्देश्यले प्रदर्शन गर्न लागेको जनशक्ति पार्टीका सहअध्यक्ष डा. प्रकाशचन्द्र लोहनीले जानकारी दिए ।