ब्राजिल, ०४ सेप्टेम्बर /  ब्राजिलका राष्ट्रपति लुई इनासियो लुला दि सिल्वाले ल्याटिन अमेरिकाको एकीकरणको कामलाई तीव्र गति दिन आह्वान गरेका छन् ।

भर्खरै स्थापना गरिएको ल्याटिन अमेरिकाको एकीकरणका लागि संघीय विश्वविद्यालय (उनिला) मा पहिलोपटक प्रवचन दिँदै लुलाले सो आग्रह गरेका हुन् ।

उनिला पमराग्वेको सिमानजिकको पाराना राज्यको फोज दो इगाकु भन्ने ठाउँमा स्थापना गरिएको छ । नवस्थापित सो विश्वविद्यालयमा हाल ब्राजिल, अर्जेन्टिना, पाराग्वे र उरुग्वेका दुई सयजना विद्यार्थी छन् र त्यहाँ महाद्वीपको एकीकरण कार्यलाई उन्नत बनाउन प्रयास हुनेछ ।

लुलाले ब्राजिलको ४६.७ प्रतिशत सोही क्षेत्रमा जाने भएकाले व्यापारका लागि ल्याटिन अमेरिका अति नै महत्त्वपूर्ण रहेको, तर ल्याटिन अमेरिकी देशहरूको बन्धन आर्थिक मामलाभन्दा बाहिर गएको बताए ।

उनले भने, "दुई सय वर्षपछि मात्र हामीले आफ्नै खुट्टामा हिँड्न, आफ्नै आँखाले हेर्न, आफ्नै मुखले कुरा गर्न र आफ्नै दिमागले सोच्न सिकिरहेका छौँ, यसको अर्थ हो, हामी हाम्रो स्वतन्त्रताको आनन्द लिइरहेका छौँ ।" उनले एकीकरणका लागि अझै धेरै गर्न बाँकी रहेको बताए ।

ब्राजिलको शिक्षा मन्त्रालयका अनुसार, भविष्यमा उनिलामा १० हजार विद्यार्थी र २ सय ५० जना प्रोफेसर हुनेछन् जसमा आधा ब्राजिलबाट र अरू आधा अन्य ल्याटिन अमेरिकी देशबाट हुनेछन् । नयाँ विश्वविद्यालयको स्थायी क्याम्पस निर्माण गर्न १७६.८ मिलियन डलर खर्च गरिनेछ ।