लबक टेक्सासमा नेपाली प्रोफेसरलाई बधाई ज्ञापन
टेक्सास राज्यको लबक शहरमा बस्ने नेपाली समुदायले भर्खरै टेक्सास ए. एण्ड एम्. युनिभर्सिटीका एसोसिएट प्रोफ़ेसर बाट प्रोफ़ेसर पदमा बढुवा हुनुभएकोमा डा. मेघनाथ पराजुलीलाई एक समारोहमा बधाई ज्ञापन गरेकाछन| करीब १२० जना नेपालीहरु बसोबास गर्ने लबकबासीहरु मा १०० जना जती उपस्थित रहेको उक्त कार्यक्रममा डा. पराजुलीले स्थानीय दाजुभाई, दिदिबहिनी तथा बाबुनानिहरुबाट प्राप्त यस सम्मानले आफु सार्है हर्षित एबं उत्साहित  भएको र सबैको सदिक्षा र सहयोगबाट नै यो सफलता पाएकोमा सबैलाई धन्यबाद दिनुभयो| डा. पराजुली हाल टेक्सास टेक युनिभर्सिटीमा Faculty तथा टेक्सास ए. एण्ड एम्. युनिभर्सिटीमा Cotton Entomology Research Program को प्रमुख र अमेरिकी Entomological सोसाइटी को अध्यक्ष हुनुहुन्छ|
साथै डा. पराजुली तथा श्रीमती शर्मिला पराजुलीले भर्खरै मात्र लामो बीमार पछि निको भएर कलेज पढ्न सुरु गरेका आफ्ना छोरा स्वागत पराजुलीको देखभाल प्रति चासो राख्ने एबं अपार सहयोग पुरयाउनुहुने सम्पूर्ण मित्र, हितैषी एबं शुभचिन्तकहरु प्रति आभार ब्यक्त गर्नुभयो| श्रीमती पराजुलीले उक्त रात्रिभोजको आयोजना गर्नुभएको थियो|