ग्वाटेमाला, ०७ सेप्टेम्बर / क्यारेवियन राष्ट्र ग्वाटेमालामा बाढी र पहिरोका कारण मृत्यु हुनेको संख्या ३८ पुगेको छ।

भिषण वर्षापछि ग्वाटेमालाको प्रमुख इन्टर अमेरिकन राजमार्गका अधिकांश स्थानमा गएको पहिरोमा परी भने सयौ मानिस हराइरहेका छन्। पहिरोमा करिब एक सय मानिस पुरिएको बताइएको छ।

पुरिएका मानिसलाई सुरक्षित रुपमा बाहिर निकाल्न उद्धार कार्यलाइ तीब्र बनाइएको छ।

उता सान्टा मारिआ इस्टागुआकान शहर नजिक गएको पहिरोमा पुरिएका २३ जनाको शव निकालिएको अधिकारीहरुले जनाएका छन्। यद्यपी सो पहिरोमा अझै अन्य मानिस पनि पुरिएको आशङ्का गरिएको छ।

अन्यको पनि जिवितै उद्धार गर्न सकिने आसा न्यून रहेको अधिकारीहरुले जनाएका छन्। पुरिएका मध्ये अधिकांश शनिबार पहिरोले पुरिएको बसका यात्रुलाई उद्धार गर्न गएका उद्धारकर्मी रहेको अधिकारीहरुले बताएका छन्।

शनिवार पहिरोले एक यात्रु बाहक बस पुर्दा बसमा रहेका १२ जनाको मृत्यु भएको थियो। बाढी र पहिरोका कारण भएको जन धनको नोक्सानीलाई ध्यानमा राख्दै ग्वाटेमाला सरकारले मुलुकमा संकटकालको घोषणा गरेको छ।

ग्वाटेमालामा  दुई दिन देखि अविरल वर्षा भइरहेको छ।