न्युजिल्यान्ड, ०७ सेप्टेम्बर / न्युजिल्यान्डमा आइतबार बिहान ७ दशमलव ० रेक्टर स्केलको शक्तिशाली भूकम्प गएपछि पुनः ५ दशमलव ४ रेक्टर स्केलका कैयौँ धक्का आइरहेका छन्　।

भूकम्पका झट्काका कारण जनजीवन आतंकित बनेको छ　। भूकम्पका झट्कासँगै तीव्र वेगको शक्तिशाली आँधीबेहरीले भूकम्पपीडित जनता थप त्रसित बनेका छन्　।

क्रिस्टचर्चका सार्वजनिक सुरक्षा अधिकारीले महानगरका आवास भवनलाई अझै क्षति पुर्‍याउन सक्ने बताएका छन्　।

शनिबार राति हजारौँ नागरिक आ-आफ्ना घर छाडी साथीभाइ सामाजिक कल्याण केन्द्र (धर्मशाला) मा बास बस्न बाध्य भएका छन्　।

भूकम्पपीडितलाई सैनिक उद्धार दलले खानपानको प्रबन्ध मिलाएको छ　। सन् १९३० देखियता यस्तो विनाशकारी भूकम्प न्युजिल्यान्डमा कहिल्यै नगएको बताइएको छ　।

अहिलेको भूकम्पले एक अर्ब ४४ करोड अमेरिकी डलरबराबरको भौतिक क्षति पुगेको प्रारम्भिक अनुमानले देखाएको प्रधानमन्त्री जोन कीले बताएका छन्　।