काठमाण्डौ, ०७ सेप्टेम्बर ,२२ भाद्र / ओराङ गाविस-९ स्थित एक घरमा आगलागी हुँदा गएराति श्रीमान्-श्रीमतीकै मृत्यु भएको छ। जिल्लाको उत्तरी यो गाविसको ससलिङ गाउँका जङ्गबहादुर तामाङको घरमा आगलागी हुँदा दुवैको मृत्यु भएको प्रहरीले जनाएको छ।

स्थानीयहरुका अनुसार रातको करिब एक बजे घरमा आगो लागेको थियो। आगलागीबाट घर पूर्णरुपमा क्षतिग्रस्त भएको स्थानीय शिक्षक कैलाश खड्कालाई उद्धृत गर्दै ओराङका गाविस सचिव नारायण सुवेदीले जानकारी दिए।

आगलागीका बेला घरको बार्दलीमा सुतेका तमाङका बुहारी र नाति-नातिना भने भागेर ज्यान जोगाएका थिए।