नेपाल विश्व सहयोग संघको अमेरिका च्याप्टरको नयाँ कार्यसमितिको अध्यक्षमा निजानन्द मल्ल निर्विरोध निर्वाचित भएका छन् ।

अमेरिकाको क्लालिफोर्निमा भएको निर्वाचनको घोषणा प्रमुख निर्वाचन आयुक्त, यज्ञप्रसाद नेपाल र अटोर्नी एटलले विशेष कारणवस ढिलो घोषणा गरेका हुन् । त्यस्तै कार्यसमितिको उपाध्यक्षमा महिमा शर्मा, महासचिवमा हुकुम बराल, सचिवमा अशिर्वाद पन्त, कोषाध्यक्षमा  तिलकबहादुर कार्की र सहकोषाध्यक्ष सन्ध्या धिताल निर्विरोध निर्वाचित भएका छन् ।

यसैगरी सदस्यहरुमा अम्बिका अधिकारी, कमल कार्की, होमनाथ पनेरु, सुवास अधिकारी, कनरेड रिजाल, अशु लक्ष्मी राजभण्डारी, भरतबहादुर कोइराला  र खेम बराल निर्वाचित भएका छन् ।

अमेरिका च्याप्टर विश्व सहयोग संघको गृह च्याप्टर हो र एम्बासडर फन्डको दायराभित्र पर्ने पहिलो र एक मात्र च्याप्टर हो । नयाँ कार्यसमितिको पदावधि भने आगामी तीन वर्षको हुनेछ ।