अमेरिकाको एटलान्टा जर्जियामा तमुहरुको महान पर्व ल्होछार यस वर्ष पनि भव्यताका साथ मनाइएको छ ।

गुरुङ समाज जर्जियाको आयोजनामा भएको कार्यक्रममा अमेरिकाको जोर्जियामा बसोबास गर्ने नेपालीको उल्लेख्य सहभागिता थियो ।  तमुहरुको ल्होछार पर्व धुमधाम र हर्षउल्लासका साथ मनाइएको आयोजकले जनाएको छ । बिहानैदेखि चारजना लामा गुरुको अगुवाइमा स्थानीय मिलम पार्कमा बौद्ध धर्मवालम्वीहरुको उल्लेखनीय उपस्थितिमा पठन पाठन गरिएको थियो ।

उक्त अवसरमा  अस्टशील ग्रहण गरि सोजुंग पूजा, आर्य अवालोकेतेश्वरको पूजा, माता लक्ष्मीको पूजा, महाकालको पूजाका साथै विश्वशान्तिको कामना गरिएको थियो भने क्लार्क सामुदायिक हलमा साँझमा विविध सांस्कृतिक कार्यक्रम प्रस्तुत गरिएको थियो ।

सांस्कृतिक कार्यक्रममा स्थानीय तथा विभिन्न स्थानबाट आएका कलाकारहरुले आ-आफ्नो प्रस्तुति देखाएका थिए ।