America Darpan

राजदूतमाथिको सुनुवाइ सुरु
January 27 2012

व्यवस्थापिका संसद्को संसदिय सुनुवाइ विशेष समितले सरकारद्वारा विभिन्न दश मुलुकका लागि प्रस्तावित राजदूतमाथि सुनुवाइ थालेको छ ।

गतसाता सार्वजनिक सूचना निकालेर सुनुवाइ प्रारम्भ गरेको समितिले शुक्रबार प्रस्तावित नामविरुद्ध उजुरी परे-नपरेको छानबिन सुरु गरेको हो । प्रस्तावित नाममा न्युयोर्कका लागि स्थायी प्रतिनिधि रहनुभएका शंकरदास बैरागीलाई स्विट्जरल्यान्ड, राममणि पोखरेल बेल्जियम रविमोहन सापकोटा रूसी महासंघ, कमानसिंह लामा गणतन्त्र कोरिया, मायाकुमारी शर्मा कतार छन् ।

त्यसैगरी परराष्ट्र मन्त्रालयका सहसचिवहरूमा मुक्तिनाथ भट्ट डेनमार्क, रुद्रकुमार नेपाल अस्टे्रलिया, भरतराज पौड्याल पाकिस्तान, पारस घिमिरे म्यानमार र प्रह्लादकुमार प्रसाइ इजरायल रहेका छन् । प्रस्तावित राजदूतहरुसँग थप छलफल गर्न १७ गते फेरि बैठक बस्नेछ । संसदीय सुनुवाइपछि समितिले राष्ट्रपतिसमक्ष नियुक्तिका लागि सिफरिस गर्नेछ ।

‹‹ Back

तपाईको प्रतिक्रिया
कृपया ध्यान राखनु होला, * चिन्ह भयको विवरण अनिवार्य रुपमा भर्नुहोला ।