लामो समयपछि शुक्रबार बसेको सेना समायोजन विशेष समितिको बैठकमा प्रधानमन्त्री डा. बाबुराम भट्टराइले १७ गतेदेखि बिदाई गर्ने प्रस्ताव गरेका थिए । सोही प्रस्तावअनुसार बैठकले सहमति गरेको कांग्रेस नेता डा. रामशरण महतले जानकारी दिए ।

 

सेना समायोजन विशेष समितिले स्वेच्छिक अवकाशमा जाने लडाकुका लागि व्यक्तिगत बैंक खातामा रकम पठाउने व्यवस्था मिलाइएको बताइएको छ । तिनीहरूले २ किस्तामा पाँचदेखि आठ लाख रुपैयाँसम्म पाउने यसअघि नै निर्णय भइसकेको छ । 

 

यसअघि अवकाश रोज्ने लडाकुलाई तत्काल बिदा गर्न माओवादीकै वैद्य पक्षले अवरोध गरेपछि पूर्वनिर्धारित कार्यतालिका प्रभावित भएको थियो ।